GENERAL SANTOS CITY – Gipalawman pa sa kapulisan sa Lagao ang imbestigasyon may kalabutan sa gipusil patay nga utility worker sa DPWH hilabi na nga nailhan na ang usa sa mga suspek.
Matud pa kang PMajor Ruelito Lumiguid, hepe sa Lagao Police Station, dili pa panganlan ang gitudlo sa mga testigo nga suspek tungod nangalap pa og dugang ebidensya aron lig-on ang pagpasang-at og kaso.
Gibutyag pa niini, usa pa ka tawo suspek ang nailhan apan dako ang posibilidad nga aduna kini laing kauban sa pagpatay sa nagpangalan og Immanuel Jalanduon, hamtong ang pangidaron og nagpuyo sa Prk. Masagana Brgy Baluan ning dakbayan.
Dugang pa ni Lumiguid, personal grudge nga konektado sa bangi sa yuta ang motibo sa pagpatay sa n gihapon sa land komplikto.
Kahinumduman, nag-inusara ang biktima nga gainom og bino dihang kalit nga adunay mihunong nga motorsiklo og kini gipusil.
Nadala pa ang biktima sa tambalanan pinaagi sa tabang sa mga silingan apan nahunusan sa kinabuhi samtang gioperahan.
