GENERAL SANTOS CITY – Ugma na, Hunyo 18, 2024 muatubang sa Konseho ning syudad ang taga DPWH National Office aron pagtubag sa mga pangutana kalabut sa kalangan sa pagtrabaho sa underpass project nga nahimong hisgutanan sa miaging semana human gibanawan ug tubig ang ilawom nga bahin samtang padayon nga ginatrabaho.
Tumong aron sa pag-atubang niini sa Konseho aron hatagan ug katin-awan ang daghang pangutana kalabutan ang P650M nga mega project.
Kahinumduman nga gibutyag ni City Administrator Franklin Gacal Jr. nga iyang gipatawag ang incharge sa construction sa DPWH national office human nahunong ang construction sa nahisgutang proyekto.
Gani mikatag sa social media ang lain-laing hulagway dihang nasudlan ug tubig ang underpass project nga giulan ug mga pagsaway.
