GENERAL SANTOS CITY- Kaso nga paglapas sa Dentistry Law ang atubangon sa 51 anyos nga lalaki human naaktuhan sa pagpangibot ug ngipon.
Kini human nagpahigayon ug entraphment operation ang mga sakop sa Criminal Investigation and Detection Group (CIDG)12 sa pagpanguna ni Police Lt. Col. Rogelio Pineda ang labaw sa CIDG 12.
Nasikop ang nagpangalan ug Romeo Alquizar Ybañez nga taga San Miguel, Calumpang, General Santos City.
Nakadawat matud pa ug reklamo ang CIDG nga may tawo nga gapangibot ug ngipon sa lugar hinungdan nga girespondihan ug ilang naaktuhan ang suspek samtang naga-pangibot ug ngipon.
Gawas sa mga pinahimo nga postiso nakuha usab sa kapulisan ang ubay-ubay nga himan nga ginagamit sa paghimo ug postiso ug mga himan nga ginagamit sa pag-ibut ug ngipon.
Nasikop ang suspek alas onse pasado sa udto kagahapong adlawa sa iyang balay.
