GENERAL SANTOS CITY – Patay on the spot ang babayeng pedikab driver human nabanggaan sa nagsunod nga utility van human nakaangkon ug samad sa ulo.
Giila sa Traffic Management Unit sa General Santos City Police Office ang biktima nga si Jane Balboa Rañoa nga residente sa Purok Macnit, Malandag, Malungon Sarangani Province.
Sa imbestigasyon sa kapulisan nga pauli na ang biktima maneho ang iyang pedikab samtang nagsunod kaniya ang UV van apan dihang akto na nga mag over take ang van naigo niini ang pedikab.
Matud sa TMU nga posebli kusog kaayo ang pagpadagan sa van mao nga naigo niini ang pedikab hinungdan nga wala na matangtang ang pedikab sa dulong sa nahisgutang sakyanan.
Girespondihan pa sa rescue team sa City Disaster Risk Reduction management Office ang insidente apan wala na maabtan nga buhi ang biktima. Nahitabo ang disgrasya alas 6 : 00 sa gabii sa Purok 7, Batomelong ning syudad.
Matud sa kapulisan nga ila nang giandam ang complaint affidavit batuk sa van driver aron mapasaka ang kasong reckless imprudence resulting to homecide ang damage to property.
