GENERAL SANTOS CITY – Giila ang bulan sa Pebrero nga bulan sa gugma hinungdan nga gipili sa mga paresan sa Soccsksargen nga magpakasal sa maong bulan.
Basi sa labing ulahi nga data sa Philippine Statistic Authority (PSA) ang bulan sa Pebrero gipili alang sa pagpakasal hinungdan nga nag average ug 59.75 ka kasal ang natigayon matag adlaw nga gisundan sa bulan sa Hunyo nga adunay 54.57 nga narehistro nga kaminyuon matag adlaw.
Sukwahi sa bulan sa Mayo nga wala kaayo giila nga bulan alang sa kaminyuon nga may labing ubos nga percentage nga 11.40.
Sumala sa PSA nga ang labing daghan nga pagpakasal ang natala sa unang semester sa 2023 sa Soccsksargen Region nga may kinatibuk-ang 8,016 ka mga kasal ang natigayon luyo nga mas ubos ug 12.20 percent kumpara sa 9,130 ka kasal sa 2022.
Gikadugang pa nga sa 8,-16 ka kasal nga natigayon sa Soccsksargen Region ang South Cotabato Province apil ang General Santos nakatala ug 42.59 percent samtang ang Cotabato adunay 30.38 percent ug ang Sarangani adunay 14.78 percent ug Sultan Kudarat nga may pinaka gamay nga nagpakasal nga nakatala lamang ug 12.25 percent sumala sa PSA report.
