GENERAL SANTOS CITY – Mukabat sa 7,434 ka mga lig-on nga pwersa sa mga dedikado nga Peacekeeping Personnel ang gi deploy sugod kagahapong adlawa sa tibuok rehiyon dose alang sa nagpaduol nga Barangay ug Sanggunian Kabataan Election 2023.
Kinatibuk-ang kini nga ihap sa mga otoridad nga gilangkuban sa kapulisan, armadong kusog sa Pilipinas, Philippine Coast Guard, Department of Education ug uban pa aron mahimong malampuson ug malinawon ang Barangay ug Sanggunian Kabataan Elections nga ipahigayon karong adlaw nga lunes.
Gipangunahan mismo ni Police Brig General Jimili Macaraeg Regional Director sa Police Regional Office 12 kauban si COMELEC Xll, Regional Election Director Atty. Michael Abas ug mga representante sa DepEd Region 12.
Ang Simultaneous Multi-Agency SEND-OFF and Turnover Ceremony of Government Forces and Resources gipahigayon kagahapong adlawa sa PNP Camp Fermin Lira Grandstand dinhi sa dakbayan.
Nasuta nga halos mapuno ang oval sa camp Lera sa mga asset atul sa send off ceremony human giparada sulod sa nahisgutang kampo.
