SARANGANI – Hilabihan ka taas nga tubig ang naabtan nilang rene Punzalan sa Provincial Disaster Risk Reduction Management Office dihang gisuhiod ang mga lugar nga nabahaan.
Pagsaysay niini nga dili basta baha lamang ang natigayon tungod nahanaw ang kahumayan nga bahin sa Ladol ug Kawas nga nabanawan sa tubig.
Paghulagway niini nga lakip sa gibaha ang compound sa kapitolyo nga sukad sukad wala pa nabahaan.
Bisan ang mga motorista nga muagi sa national highway ang naglisod nga makaagi tungod hilabihan ka kausog ang tubig nga mitabok sa dalan busa walay gagmay nga sakyanan ang nakaagi padulong sa Malapatan ug Glan samtang mao usab ang padulong sa dakbayan.
Gisaysay pa ni Punzalan nga walay namonitor nga low pressure area karon sa socsargen region apan ang habagat nga nagdala ug makusog nga pag-ulan.
Gipaniguro niini nga gilayon nga gipalihok ang mga rescue team aron sa pagpahigayon ug emergency response aron sa pagpanghatag ug makaon sa mga residente nga midangop sa gymasium .
Gitan-aw usab ang uban nga panginahanglanon nga pwedi ihatag sa mga biktima sa pagbaha dungans a pasalig nga may pundo nga magamit panahon sa emegency.
Matud usab ni Punzalan nga walay susama nga pagbaha nga natigayon sa unom pa ka munisipyo luyo nga nakasinate ug pag-ulan ang tibuok probinsya.
Hinuon walay gikataho nga naanod u nasamad nga tawo samtang padayon ang pagdawat ug mga taho gikan sa mga barangay opisyal .
