Nagpagawas og labing ulahing opisyal nga report ang Provincial Disaster Risk Reduction and Management Council (PDRRMC) sa Saranggani kalabot sa kinatibuk-ang danyos ug kahimtang sa probinsya human sa nahitabong linog.
Sumala sa consolidated report, moabot na sa 56,253 ka pamilya ang naapektuhan sa kalamidad sa tibuok probinsya. Sa maong gidaghanon, 855 ka pamilya ang kasamtangang anaa sulod sa mga evacuation centers aron masiguro ang ilang kaluwasan.
Natala usab ang mosunod nga ihap sa mga biktima o Affected Individuals nga 33 ang kumpirmadong patay 251 ang injured og 15 ang padayong gipangita o missing.
Dako sab ang danyos sa mga kabalayan diin moabot sa 5,423 ka balay ang hingpit nga naguba o totally damaged, samtang 17,722 naman ang partially damaged.
Aron matubag ang dinalian nga panginahanglan sa mga biktima, dungan nga gilusad sa probinsya ang nagkadaiyang Government Interventions. Lakip niini ang:
Padayong pag-apud-apod sa relief goods.Search, Rescue, and Retrieval Operations alang sa mga missing.Emergency Shelter Assistance para sa mga nawad-an og kapuy-an.Medical ug Psychosocial Support alang sa emosyonal ug pisikal nga kahimsog sa mga biktima.
Damage Assessment and Recovery Planning aron masugdan na ang dinalian nga rehabilitasyon.
