Nagpasalamat si Senador Christopher “Bong” Go sa tanang opisyal ug miyembro sa Partido Demokratiko Pilipino (PDP) nga mitambong sa National Assembly ug nagpakita sa ilang panaghiusa alang sa padayon nga pagpalig-on sa partido.
Sa iyang mensahe, giingon ni Go nga dako ang iyang pagpasalamat sa padayon nga suporta ug kooperasyon sa mga miyembro, samtang iyang gipasiugda ang importansya sa panaghiusa aron mapadayon ang mga tumong ug programa sa partido.
Ang National Assembly gihimo sa Arena Athletics sa Davao City diin gipahigayon usab ang eleksyon sa mga bag-ong opisyal sa PDP nga mangulo sa organisasyon sa umaabot nga mga tuig. Lakip sa napili nga mga lider si Davao City Mayor Sebastian “Baste” Duterte isip presidente sa partido, samtang si Senador Bong Go napili isip auditor.
Sumala sa partido, ang maong tigom nagtumong sa pagpalig-on sa panaghiusa sa mga lider, miyembro ug supporters, ingon man sa paglatid sa direksyon ug prayoridad sa PDP alang sa umaabot.
