GENERAL SANTOS CITY – Nanghinaot si PDEA-12 Regional Director Gil Castro nga ma-commit na sa Sarangani Provincial Jail si Maasim, Sarangani Mayor Aniceto Lopez Jr.
Kini human nga pormal nang napasakaan ug patung-patong nga kaso si Lopez miaging Lunes.
Sa pakighinabi sa Bombo Radyo, gibutyag ni Director Castro nga mas maayo kini alang kang Mayor Lopez, gumikan mahatag sa opisyal ang mas maayong seguridad ug matutukan ang hisgutanang panglawas niini, itandi sa kasamtangan niining gikahimutangan sa ilang detention facility sa PDEA-12, nga dili matud pa makaayo sa panglawas sa opisyal.
Mihangyo na matud pa sila sa korte aron mabalhin na sa labing daling panahon si Mayor Lopez sa provincial jail, ug gipaabot na lang ang kamanduan, alang sa nasampit nga lakang.
