GENERAL SANTOS CITY – Hugot nga gitutukan sa Philippine Drug Enforcement Agency (PDEA) 12 ang pagbungkag sa illegal drug networks sa rehiyon.
Matud kang PDEA 12 Regional Director Naravy Duquiatan, ang mga nahisgutan maoy nagapalusot ug shabu sa tabang sa ilang nga kauban sa silingan nga probinsya sa Maguindanao ug Lanao.
Gibutyag ni Duquiatan nga ang mga probinsya sa South Cotabato, North Cotabato, Sultan Kudarat, Sarangani ug ang syudad sa General Santos ang gikonsidera nga nag-unang market hub alang sa illegal drugs.
Gani wala nila gipadaplin ang posibilidad nga may kalabutan usab sa illegal drug syndicate ang pipila ka mga political leaders.
Gibutyag usab ni Duquiatan nga maihap na lamang ang adlaw sa mga nahisgutan tungod hapit na sila masikop sa mga otoridad .
Ang PDEA 12 ang nakakumpiska ug mukapin P23 million nga kantidad sa illegal drugs kaniadtong miaging tuig.
Matud ni Duquiatan nga kung dili man makaresolba sa problema sa iligal nga droga ang pagbungkag sa PDEA sa mga illegal drug network, sigurado usab nga ma-neutralized ang illegal drug acitivity sa ilang area of responsibility.
