GENERAL SANTOS CITY – Giangkon ni Philippine Drug Enforcement Agency (PDEA) 12 Regional Director Naravy Duquiatan, nga nalisdan ang mga otoridad sa pagkumpiska sa mga ilegal nga droga dili sama sa miaging mga katuigan.
Luyo niini gipasigarbo ni Duquitan nga sa todo pagpaningkamot sa iyang mga sakop adunay mga nadakpan nga nalambigit sa ilegal nga droga og nakumpiska nga mga shabu og uban pa.
Kahinumduman nga sa miaging adlaw gisunog sa PDEA 12 ang mukabat sa P1.8 million nga kantidad sa ilegal nga droga nga nakumpiska sa nagkadaiyang mga operasyon.
Sa pamahayag ni Duquiatan, nga gisunog ang maong mga ilegal nga droga base sa kamanduan sa korte gigamit isip ebedensya sa mga kaso.
Gibutyag nga anaa sa 269.09 gramu sa shabu nga may estimated street value nga P1.8 samtang 109.54 gramu ang marijuana nga nagkantidad og kapin sa P13,000 og mga expired nga tambal nga kapin sa P4,200.
