-- ADVERTISEMENT --
Gibakwi sa Malakanyang ang mga kabalaka sa publiko kalabutan sa nagkatag nga mga espekulasyon nga matud pa pagdeklara ug martial law ni Pangulong Bongbong Marcos.
Kini human sa sunod-sunod nga pagpahigayon ug lihok protesta sa pipila ka lugar sa nasud human ang pag-aresto sa International Criminal Court (ICC) sa kanhing Pangulong Duterte.
Atol sa gihimong General Membership Meeting sa Kapisanan ng mga Brodkaster ng Pilipinas (KBP) sa Makati City, gibutyag ni Presidential Communications Office Usec. Claire Castro nga wala nahisgutan sa Palasyo ang maong butang.
Kalabutan niini, miapela sa media si Usec. Castro nga tabangan ang gobyerno batok sa nagkatag nga sayop nga impormasyon.
