Nipadayag sa iyang pasalamat kang Presidente Ferdinand Marcos Jr si Presidential Communications Office acting Secretary Jay Ruiz sa pagsalig nga gihatag kaniya sa pagpangulo sa ahensya.
Kini tungod sa iyang pagbalik isip acting Secretary sa PCO
Iyang gipasalig nga iyang pauswagon pa ang serbisyo ilabina nga dako og papel ang komunikasyon sa kalampusan sa mga programa sa administrasyon.
Nagpasalamat usab si Ruiz sa iyang mga kauban sa media nga nipadayag og suporta sa iyang pamunoan.
Matod niya, ang kooperasyon sa gobyerno ug media importante sa pagpasiugda sa matinud-anon ug makahuloganon nga diskurso sa katilingban.
Lakip sa mga prayoridad sa PCO ubos sa iyang pamunoan mao ang pagsumpo sa fake news ug paghatag og matinud-anon, tukma sa panahon, ug tin-aw nga impormasyon ngadto sa mga lungsuranon.
