Gipasalig sa publiko sa Philippine Coast Guard (PCG) nga tinuod ug lehitimo ang ilang mga narekober nga sako sa Taal Lake atol sa retrieval operations nga may kalabutan sa kaso sa mga nawawalang sabungero, ug dili kini planted o tinuyo nga gibutang.
Gibutyag ni PCG Spokesperson Cdr. Noemi Cayabyab nga pormal ug legal ang ilang gihimong operasyon sa Taal Lake, ilabi na kay kini kabahin sa opisyal nga imbestigasyon sa usa ka seryosong kaso.
Gidugang pa sa maong opisyal nga dili unta tagaan og lugar ang espekulasyon, ilabi na nga nakabutang sa peligro ang kinabuhi sa mga technical divers nga nagsalom delikado nga tubig.
Bisan pa man sa mga hagit susama sa
kusog nga alon, kabag-ohan sa klima, ug alert level sa Bulkang Taal, gipasalig ni Cayabyab nga magpadayon ang operasyon hangtod sa ma-retrieve ang tanang posibleng ebidensiya o “suspicious objects” gikan sa lawom nga bahin sa Taal Lake.
Ang operasyon sa PCG usa ka bahin sa paningkamot nga matino ang kamatooran sa likod sa kontrobersyal nga pagkawala sa mga sabungero, nga dugay nang ginapangita sa ilang mga pamilya.
