Hugot nga gipanghimak sa Malakanyang ang alegayon ni kanhi Pres Rodrigo Duterte nga gikawat ug bgibaligya na ni Pres. Ferdinand Marcos jr ang gold reserves sa nasud.
Sa press briefing sa Malakanyang, gihatagan ug gibug-aton ni Presidential Communications Office USec ug Palace Press Officer Atty Claire Castro nga ang Bangko Sentral ng Pilipinas ang nag-atiman ug nag-supervise sa mga gold reserves sa Pilipinas, ug ang presidente wala gyud manghilabot niini.
Matud ni Castro nga daw walay nagtambag kang kanhi President Duterte nga ang pagbaligya sa gold reserves usa ka regular nga kalihokan sa BSP aron matubag ang exchange requirement sa Pilipinas.
Matud usab niya nga base sa pamahayag sa BSP, kabahin sa ilang mandato ang dili paghupot og daghang bulawan, mao nga adunay kahigayonan nga ibaligya kini kon taas ang presyo niini.
Matod sa opisyal nga sa 2024, ang gross international reserve (GIR) sa Pilipinas mokabat sa 106.3 billion USD, gikan sa PhP103.8 billion USD sa 2023.
Matud pa ni Castro, kining maong alegasyon sa kanhi presidente ang natubag na kaniadtong Oktubre 2024, busa wala siya kasabot nganong gibalikbalik kini ni Dutert. Nagtuo kini nga ang maong mga pamahayag laing komedya o saad sa kampanya sa kanhi presidente.
Gipasalig ni Castro nga dili tugotan sa gobyerno ang kampo ni Duterte nga magpadayon sa pagpakatap og sayop nga impormasyon, busa seryosong tubagon sa Malakayang ang maong mga pamahayag, aron mahibaw-an ang publiko sa sakto ug tinuod nga impormasyon
