Gimanduan ni Presidente Ferdinand Marcos Jr. ang tanang cabinet secretary sa pag-adto sa Sugbo, partikular na ang mga hingtungdan nga ahensya sa gobyerno, aron mohimo og damage assessment kalabot sa epekto sa 6.9 magnitude nga linog.
Matod ni Presidential Communication Office (PCO) Secretary Dave Gomez, gusto ni Presidente Ferdinand Marcos Jr. nga masayran ang mga lugar nga nakaangkon ug damyos nga hinungdan sa makusog sa linog.
Matud ni Gomez nga gipaabot ni Presidente Marcos ang nagkalain-laing ahensya sa gobyerno nga mohatag og feedback bahin sa kusog nga linog nga nasinati.
Gipasalig ni Gomez nga tungod sa direktiba sa Presidente, anaa na sa preposisyon ang nagkadaiyang ahensya ilabina ang National Disaster Risk Reduction Management Council nga maoy nangulo sa search and rescue operation.
Gipakatap usab ang mga personahe sa Philippine National Police (PNP) sa lugar aron mamintina ang kalinaw ug kahapsay ug malikayan ang bisan unsang insidente sa pagpangawat.
Ang Department of Health (DOH) nipadala usab og dugang health workers sa Sugbo aron motabang.
Gibuhat usab sa Department of Energy (DOE) ang tanan aron mahibalik ang suplay sa kuryente sa lugar ug gipatuman ang price freeze sa mga produktong petrolyo.
Gipatuman usab sa Department of Trade and Industry (DTI) ang price freeze sa mga nag-unang produkto sa pagkaon.
