Nilarga na paingon sa New York, USA si Presidente Ferdinand Marcos Jr. alang sa duha ka adlaw nga pagbisita aron motambong sa espesyal nga sesyon sa United Nations General Assembly (UNGA) ug sa ika-70 nga sesyon sa Commission on the Status of Women.
Sumala sa Presidential Communications Office, ang Presidente mibiya uban sa iyang delegasyon alas 10 sa buntag karong buntaga.
Ang Presidente gilauman nga mohatag og pakigpulong sa espesyal nga sesyon ug adunay higayon nga makigkita kang UN Secretary General Antonio Guterres aron hisgutan ang mga kalamboan sa Middle East.
Sumala sa Department of Foreign Affairs, walay higayon nga makigkita ang Presidente kang US President Donald Trump ug uban pang mga lider atol sa iyang duha ka adlaw nga pagpuyo sa New York.
Ang Presidente wala usab gikatakda nga makigkita sa komunidad sa mga Pilipino.
Ang delegasyon sa Presidente naglakip kang First Lady Liza Araneta Marcos, ang mga sekretaryo sa Department of Foreign Affairs, Department of Migrant Workers, Presidential Adviser on the Peace, Reconciliation, and Unity, Presidential Communications Office, ug uban pa.
