Nanawagan si Pangulong Ferdinand R. Marcos Jr. og mas lig-on nga aksyon sa ASEAN batok sa ‘gender-based violence’ sa ‘online spaces’ samtang padayon nga nagkalapad ang ‘digital economy’ ug ‘connectivity’ sa rehiyon.
Sa iyang pakigpulong sa ‘4th ASEAN Women Leaders’ Summit’ sa Manila, miingon si Pangulong Marcos nga adunay bag-ong mga hulga sa kababayen-an ug mga batang babaye tungod sa padayong ‘digitalization’, lakip ang ‘online harassment’ ug pagpangabuso.
“We cannot speak of empowerment while our women and girls face harassment and abuse online,” matud ni Pangulong Marcos.
Gipadayag sa Pangulo nga gisuportahan sa Pilipinas ang pagpalambo og ‘regional digital framework’ nga manalipod sa kababayen-an ug kabatan-onan, ug mosiguro nga ang ‘digital platforms’ magpabiling luwas ug mapuslanong espasyo.
Nanawagan usab ang Pangulo og konkretong mga polisiya aron mahimong aktuwal nga mga lakang ang mga ‘commitment’ sa ASEAN alang sa ‘women’s leadership’, lakip ang pagpalambo sa ‘economic participation’, ‘peace and security’, ug ‘inclusive prosperity’.
Matod ni Pangulong Marcos, ang ‘Joint Ministerial Statement on Women’s Leadership for Inclusive Prosperity’ angay mahimong roadmap sa mga miyembro sa ASEAN sa paghimo og mga polisiya ug programa padulong sa ASEAN Community Vision 2045.
