Nakighiusa si Presidente Ferdinand R. Marcos Jr. Atol sa pagsaulog sa Semana Santa, gidasig ang mga Pilipino sa pagpamalandong sa pasyon, kamatayon, ug pagkabanhaw ni Kristo.
Giawhag sa pangulo ang mga debotadong Katoliko nga magmalig-on atubangan sa mga pagsulay sa kinabuhi, nga nagpahinumdom sa publiko nga ang kalisdanan makahulma kanila ngadto sa mas masinabtanon ug matinabangon nga mga indibidwal.
Gapanawagan si Pres. Marcos sa mga Pilipino sa pagpangita og bag-ong kalig-on uban sa pamilya ug mga minahal, ug sa pagpabiling dedikado sa pagserbisyo sa labing nanginahanglan.
Gitimbaya sa pangulo ang tanang katolikong Filipino nga mahimong mabulukon og bulahan ang Semana Santa.
Ang Palm Sunday mao ang pagsugod sa Semana Santa.
Ang Palm Sunday ang paghinumdum kang Hesukristo nga nagsakay og asno sa iyang pagsulod sa Jerusalem diin gisugat siya sa mga tawo nga nagwagayway sa mga sanga sa palma, nga nagsimbolo sa kadaugan ug kalinaw.
Alang sa kadaghanan, ang Palm Sunday ang usa ka liturhikanhon nga kalihokan apan may kauban nga pagtuo, kultura, ug okasyon sa pamilya.
Kini ang panahon nga ang mga pamilyang Pilipino magtigom aron ipahayag ang ilang pagtuo.
