Nakighiusa si Pangulong Ferdinand Marcos Jr. sa katawhang Filipino dungan sa paghinumdom sa ika-127 ka tuig nga anibersaryo sa Proclamation of Philippine Independence o Adlaw sa Kagawasan, karong adlawa, Hulyo 12.
Ang kagawasan nga gipakigbisugan sa mga katigulangan nahimong inspirasyon sa bag-ong henerasyon sa ilang tinguha nga makatampo sa kaayohan sa katilingban ug sa tibuok katawhan.
Sa pamahayag sa Pangulo nga sa espiritu sa pagkama-nasudnon, pasidunggan ang bililhong kagawasan pinaagi sa pagtukod og usa ka nasud nga takos sa mga sakripisyong gihalad sa mga bayani.
Nanghinaot ang Pangulo nga paningkamotan sa katawhan nga mapaayo ang mga kahanas ug pamatasan aron mas daghan pa ang mahatag sa atong nasud.
Sumala sa Pangulo nga pinaagi sa panaghiusa, mapanday ang dalan sa kalambuan, kalig-on, ug kauswagan alang sa kasamtangan ug umaabot nga mga henerasyon.
Samtang gibutyag sa Pangulo nga walay bili ang kagawasan kung ang mga Pilipino gigutom ug nabyaan.
“Today, we celebrate one of the proudest milestones in our history—the moment our flag was first unfurled in the sky on that eventful day of 1 898 in Kawit, Cavite,” pahayag ni Pangulong Marcos sa iyang mensahe sa maong okasyon.
“The journey to reach that moment was long, arduous, and costly, requiring the sacrifice of selfless individuals for over a century. Because of their heroism, we now enjoy the rights and privileges reserved for those who have a country they can call their own,” dugang pahayag sa Pangulo.
