Nakabotar na si President Ferdinand R. Marcos Jr. sa Mariano Marcos Memorial Elementary School sa Batac City, Ilocos Norte para sa National and Local Elections niadtong Mayo 12, 2025.
Usa siya sa kapin 68 million ka rehistradong botante sa tibuok nasod nga mopili og mga opisyal alang sa 18,280 ka posisyon gikan sa mga senador hangtod sa mga konsehal.
Gitakda ni Presidente Marcos Jr. ang Mayo 12, 2025 isip usa ka special non-working holiday pinaagi sa Proclamation No. 878 aron ang mga Pilipino ang makabotar.
Kining holiday girekomenda sa Comelec aron mahatagan og igong panahon ang mga lungsoranon sa pagbotar ug pagpalig-on sa demokrasya.
Kauban sa presidente ang iyang inahan nga si kanhi First Lady Imelda Marcos nga dungan nga mibotar, samtang pipila ka mga kabanay usab ang miadto sa polling center uban kanila.
