Gituboy ni Pang. Ferdinand Marcos Jr. si kanhi Department of Energy (DOE) Undersecretary Alexander Lopez isip tigpamaba sa National Maritime Council (NMC).
Si Lopez nga kanhi opisyal sa militar ang spokesperson para sa NMC sa mga isyu nga may kalabotan sa West Philippine Sea (WPS).
Ang NMC gimugna ni Pang. Marcos nga tumong nga pakusgon ang maritime security og mapataas ang maritime domain awareness sa mga Pilipino tunga sa agresibong mga lakang sa China sa WPS.
Nasayran nga migawas ang appointment ni Lopez kaniadtong Agosto 6.
Bag-o natuboy nga spokesman, nagsilbi kini nga DOE undersecretary og nahimong commander sa Western Command of the Armed Forces of the Philippines.
Nahimong commander usab kini sa Fleet-Marine Ready Force og Joint Task Force Malampaya; Chief of Naval Staff for Operations; og Philippine Defense and AFP Attache in Singapore.
Nagsilbi usab isip Chief of Fleet Staff for Operations; Commanding Officer (Philippine Navy Commissioned Vessels); Executive Officer (Philippine Navy Vessels); og Commander, ng Naval Intelligence and Security Units.
