Nagporma og inter-agency organizing committee si Presidente Ferdinand Marcos Jr. aron masiguro ang kalampusan sa pag-apil sa Pilipinas aron sa pagdumala sa mga pagpangandam alang sa Green Expo 2027 sa Japan.
Ubos sa Administrative Order No. 41, gitudlo sa Presidente ang mga pangulo sa Department of Agriculture (DA) ug sa Department of Tourism (DOT) isip chairperson ug vice chairperson sa Philippine Organizing Committee.
Ang Green Expo 2027 usa ka internasyonal nga horticultural exposition nga giila sa Internal Association of Horticultural Producers nga ipahigayon sa Yokohama, Japan gikan Marso hangtod Septyembre.
Ang Green Expo 2027 maghatag sa mga partisipanteng nasud og oportunidad sa pagpasiugda sa ilang dato nga biodiversity, lumad nga mga pamaagi sa agrikultura, mga inobatibong sistema alang sa mga high-value nga tanom, mga produkto sa agri-fishery, mga green technologies, mga inisyatibo sa eco-tourism, ug cultural heritage.
Ang Presidente miingon nga ang pag-apil sa nasud sa Green Expo 2027 nahiuyon sa mga pangandoy sa administrasyon ubos sa Philippine Development Plan 2023-2028, labi na sa pagbag-o sa mga sektor sa agrikultura ug produksiyon.
