GENSAN– Mibisita dinhi sa dakbayan sa Heneral Santos si President Ferdinand R. Marcos Jr. para sa pipila ka mga aktibidad.
Base sa schedule sa Pangulo, lima ang nakalinya nga mga aktibidad niini sa Tuna Capital of the Philippines.
Lakip niini ang himuong paglibot og inspeksiyon sa Fish Port Complex sa GenSan sa Baranggay Tambler nga sundan usab og pangpanghatag og livelihood assistance sa Market Hall 1 sa Fish Port Complex.
Kabahin usab sa pagbisita sa Pangulo sa GenSan mao ang pakighimamat og pakig-istorya niini sa mga mananagat og uban pang stakeholders nga gihimo usab sa Chief Executive niadtong Lunes sa Nueva Ecija kung asa nakig-dayalogo usab ang Presidente sa mga mag-uuma.
Naka-schedule usab ang Punong Ehekutibo nga magpahigayon og tour and inspection sa Century Pacific Agricultural Ventures Inc. Coconut Plant, samtang ang ulahing parte sa aktibidad sa Pangulo mao ang tour and inspection niini sa tuna facility sa General Tuna Corporation.
