Kumpiyansa si Pangulong Ferdinand Marcos Jr. nga mahimong makab-ot ang usa ka ‘legally binding Code of Conduct’ para sa South China Sea, sumala ni Claire Castro, Undersecretary sa Presidential Communications Office.
Gidala ni Marcos ang isyu sa ASEAN plenary session kaganihang buntag.
Apan, giila nga ang kalampusan niini nagdepende gihapon sa negosasyon sa mga ASEAN member states ug sa uban pang mga nasod nga apektado, lakip ang China.
Ang tumong sa maong code mao ang pagtakda og mga patakaran aron malikayan ang pagsamot sa tensyon sa South China Sea nga mahimong moresulta sa dakong problema, diin posible nga maapil ang Estados Unidos ug uban pang kaalyado sa rehiyon.
Giangkon na karon sa China ang tibuok South China Sea, apil na ang mga parte nga gina-claim usab sa Pilipinas, Vietnam, Indonesia, Malaysia, ug Brunei.
