Direktang gibutyag ni Pang. Ferdinand Marcos Jr. nga namakak si kanhi Pang Rodrigo Duterte kalabotan sa alegasyon niini nga adunay gipirmahang blangko sa 2025 national budget.
Sa ambush interview sa Taguig City, gibutyag sa Pangulo nga nasayran ni Duterte isip kanhi Presidente sa nasud nga dili pwedeng magpasa og General Appropriations Act na nga adunay blangkong items.
Nasayod usab si Duterte nga wala pa nahitabo ang susamang insidente sa kasaysayan sa Pilipinas.
Gihingusgan ni PBBM, klaro nga nakalatid sa GAA ang matag programa og proyekto og pila ang alokasyon niini.
Sama sa nauna nga pahayag ni ES Lucas Bersamin, aduna matod pay kopya sa GAA sa website sa DBM og pwedeng pangitaon ug tan-awon didto ang ginasulti ni Duterte og iyang mga kaalyado nga daw “blank check” aron masayran nga dili kini tinuod.
