PBBM gipaklaro nga angayang tun-an una ang P200 nga daily wage increase

Gihingusgan ni Pangulong Ferdinand Marcos Jr., nga kinahanglan nga tun-an pagmaayo ang panawagan nga sertipikahan nga urgent ang sugyot nga P200 across the board daily wage hike.

Matud pa sa pangulo nga ang tripartite board ang maoy may tahas sa dugang nga sweldo.

Gikadugang pa sa pangulo nga kinahanglan nga hisgutan una og tun-an sa mga concerned agencies.

Posible nga may negatibong implikasyon kung ipatuman ang P200 across the board wage hike susama sa pagtaas sa presyo sa mga palaliton og ang inflation nga dili masolosyonan.

Gikadugang pa sa punong ehekutibo nga nabalaka ang mga employer ilabi ang mga gagmayng negosyo kung patas-an ang minimum wage.

Una niini lusot na sa house panel ang sugyot nga P200 across the board daily wage hike.