Gimandoan ni Pangulong Ferdinand Marcos Jr., ang Department of Energy (DOE) ug National Grid Corporation (NGCP) nga humanon na ang 70 transmission projects sa nagkadaiyang bahin sa nasod.
Gihimo sa Pangulo ang pahayag sa gipahigayon nga inagurasyon sa Mariveles-Hermosa-San Jose 500KV Transmission line project sa Bataan.
Gusto sa Pangulo nga makumpleto ang mga nasampit nga proyekto nga nalangkob sa Transmission Development Plan partikular ang Batangas-Mindoro Interconnection Project ug ang Northern Luzon 230-kiloVolt Loop.
Nagtuo ang Pangulo nga sa higayon nga makumpleto ang maong mga proyekto matubag na ang padayong pagtaas sa demand sa power supply, makaawhag usab kini ug technological advancements ug makamugna ug mga trabaho para sa mga kababayan.
Gihingusgan sa Pangulo nga dako ang epekto sa ekonomiya sa nasud nga magresulta sa paglambo sa nasud.
Excited usab ang Pangulo nga mahimong powerhouse ang Bataan ug isip sentro sa economic and development activity sa umaabot nga panahon.
Giawhag usab niini ang tanan nga makighiusa sa tumong sa gobyerno nga makaangkon ug paigo nga supplay sa enerhiya alang sa tanan.
Giawhag usab sa Pangulo ang publiko nga magdaginot usab ug kuryente ug mahimong wais sa paggamit ug power supply.
Hilabihan ang kalipay ni Pangulong Marcos sa malampuson nga pagkumpleto ug energization sa 500 kilo-Volt Transmission Line Project.
