Kalabot sa nagpadayong imbestigasyon sa kasamtangang administrasyon ni Presidente Ferdinand Marcos Jr. sa mga taho sa mga anomaliya ug kahiwian sa mga proyekto sa gobyerno nga may kalabotan sa pagbaha, ang Presidente nipagawas og direktiba alang sa komprehensibong pagsusi.
Ang direktiba ni Presidente Marcos nagmando sa pagpahigayon og “lifestyle check” sa tanang opisyal ug empleyado sa gobyerno, gikan sa pinakataas ngadto sa pinakaubos nga posisyon.
Kini ang gikumpirma ni Palace Press Officer Usec. Claire Castro.
Siya miingon nga kini kabahin sa mas lapad nga paningkamot aron masiguro ang integridad ug tulubagon sulod sa gobyerno ug aron matubag ang mga alegasyon sa korapsyon.
Ang lifestyle check usa ka proseso sa pag-verify sa mga kabtangan, kita, ug estilo sa kinabuhi sa usa ka opisyal sa gobyerno aron mahibal-an kung kini nahiuyon ba sa ilang deklarasyon sa mga kabtangan, utang, ug net worth.
