Gipahibalo ni Pang. Ferdinand Marcos Jr., nga maoy nahimong kinadak-ang bloke sa politika sa nasod human sa pagpirma sa alyansa tali sa Federal Party of the Philippines ug Nacionalista Party.
Kini ang ikaupat nga alyansa nga gisudlan sa PFP sa ubang dagkong partido politikal sa nasod.
Personal nga nasaksihan ni Pang Marcos ang seremonyas sa pagpirma nga gipahigayon sa Taguig City.
Matod ni Presidente Marcos, kinahanglang sugdan na ang pagbutang sa mga pangalan aron mapuno sa ilang senatorial line up.
Gitataw sa Presidente nga ang mga tawo nga itudlo ug botohan sa katawhan dili angay maghunahuna sa politika kondili unahon ang kaayohan sa atong mga katagilungsod ug sa nasud sa Pilipinas.
Ang Presidente nagkanayon nga mas lig-on ang pundasyon kansang tumong mao ang paghatag sa mga Pilipino og maayo ug himsog nga kinabuhi.
Matod sa Presidente, ang tanan nagsinggit alang sa panaghiusa, walay luna ang dili pagsinabtanay tungod kay ang mga tumong dili makab-ot kung walay pagsinabtanay.
Gitataw usab sa Presidente nga importante nga unahon ang kaayohan sa atong mga katagilungsod ug pagserbisyo kanila.
Gihangop usab sa Chief Executive ang pormalisasyon sa alyansa tali sa PFP ug Nacionalista Party.
