Gikumpirma sa Palasyo sa Malakanyang nga gidawat na ni Pang. Ferdinand Marcos Jr. ang resignation ni Vice President Sara Duterte isip Cabinet Secretary.
Matud kang Presidential Communications Office (PCO) Secretary Cheloy Garafil nga alas-2:21 sa hapon kaganiha, June 19, 2024 dihang miadto sa Malakanyang si Vice Pres. Sara ug gisumite ang iyang resignation isip miyembro sa gabinete ni Pangulong Ferdinand Marcos Jr.
Si VP Sara ang kasamtangang kalihim sa Department of Education ug Vice Chairperson of the NTF-ELCAC. Base sa resignation letter, epektibo sa July 19,2024 ang iyang pagkanaug sa puwesto.
Mibalibad si VP Sara nga ihatag ang iyang rason nganong kini nag-resign. Magpadayon usab nga himuon ang iyang trabaho isip ikaduhang presidente sa nasud.
Gipasalamatan usab sa Malakanyang ang nahimong serbisyo ni VP Sara samtang anaa kini sa gabinete ni Pangulong Ferdinand Marcos Jr.
