Nanawagan na si Pangulong Ferdinand R. Marcos Jr. sa mga magbabalaod nga mapasa na ang mga priority bills nga una ng gisertipikahan sa Legislative-Executive Development Advisory Council o LEDAC isip urgent.
Dise-siete kini sumala sa Presidente nga kung mahimo mulusot na ang mga proposed bill ug mahimong hingpit ng mga balaud una mahuman ang tuig.
Gihingusgan sa Chief Executive nga kini mas inklusibo, people centered o mutubag sa panginahanglan ug kaayohan sa mga mga tawo ug maghatag ug daghang benepisyo.
Kung mupasa ang mga sugyot ug mahimong hingpit ng mahimong balaud makatabang matud pa kini sa nasudnong paglambo ug magpaanindot sa kahimtang sa mga kababayan.
Pipila sa mga priority bills nga gusto ni Pangulong Marcos nga mahimong balaud una mahuman ang 2024 mao ang Anti-Agricultural Economic Sabotage Act, Anti-Financial Accounts Scamming Act, Amendments to the Government Procurement Reform Act, Mandatory Reserve Officers’ Training Corps ug uban pa.
