Dismayado si Presidente Ferdinand Marcos Jr. human gisusi niini ang nagkagrabe nga kahimtang sa rock shed project sa Camp 6, Barangay Camp 4, Tuba, Benguet kagahapong adlawa.
Sa usa ka pahayag sa media, gipasiugda ni Presidente Marcos ang epekto sa pagsira sa mga lokal nga negosyo.
Matod niya nga gibanabana nga 35% sa mga panginabuhi sa mga residente sa Benguet ang nawala.
Ang Presidente nagkanayon nga gawas nga nakadaot sa lokal nga ekonomiya, nakahatag usab kini og pisikal nga kadaot sa lugar.
Nadaot pag-ayo ang panginabuhian sa mga tao tungod kay ang mga pundo nga himuon unta nga sumbanan ug kasaligan ang imprastraktura gisulod hinoon sa mga kurakot nga tao.
Misaad si Presidente Marcos nga sa dili pa siya mokanaog sa katungdanan, sulbaron niya ang isyu.
Ang P264-million nga rock shed project sa Kennon Road gidesinyo aron maprotektahan ang mga motorista gikan sa rockfalls.
Bisan pa, ang integridad sa istruktura kuwestiyonable.
Gisaway usab ni Presidente Marcos ang rock netting project, nga gitawag kini nga “shady deals.”
Tataw nga gipahayag sa Presidente nga 75% sa kontrata gibulsa sa mga korap nga indibidwal.
