Dismayado si Presidente Ferdinand Marcos Jr. sa mga problema nga nadiskobrehan sa mga proyekto sa flood controlsa Bulacan.
Kini human nihimo og inspeksyon ang Presidente partikular sa Calumpit ug Barangay Frances.
Sa assessment sa Presidente, espesipiko niyang gihisgutan ang mga buho sa dike, nga matud niya kinahanglan nga intact sa gidugayon sa proyekto.
Giinsister sa Presidente nga adto sa lugar ang contractor aron tan-awon kung unsa kalisod ang kinabuhi nga ilang gihatag sa atong mga katagilungsod.
Namatikdan usab sa Presidente nga halos 200 metros sa revetment sa proyekto wala pa mahuman, bisan pa nga ang report sa proyekto nag-ingon nga kini kompleto na.
Lakip sa mga problema nga nakit-an sa Presidente, ang gobyerno mangayo sa St. Timothy Construction Corporation og katin-awan sa mga problema nga makita sa River Protection Structure sa Calumpit, Bulacan karong adlawa.
Ang St. Timothy Construction Corporation, usa sa Top3 contractors sa 15 ka kompanya nga nakadaog sa labing daghang kontrata sa flood control project gikan sa gobyerno.
Gimando usab ni Presidente Ferdinand Marcos Jr. ang pag-inspeksyon sa mga scuba divers sa pagsusi sa mga proyekto sa pagpugong sa baha sa Calumpit.
Base sa inspeksyon, nasuta nga ang mga bungbong ilalom sa concerete slope protection gitabonan sa baga nga silt, hinungdan nga dili makita kung adunay mga sheet piles.
Sa pagsusi sa mga divers, nasuta nga ang sagbayan wala nay gitaod sa bisan unsang sheet pile nga suporta ug adunay klaro nga gintang tali sa duha, nga kinahanglan nga gitaod aron masiguro nga lig-on ang istruktura.
Miadto usab si Presidente Marcos sa Barangay Frances sa Bulacan diin iyang gisaway ang semento sa proyekto, nga matud niya nipis ug dili pantay; Kabahin sa aseras sa flood control project, matod niya nga daw wala na kini nalubong sa yuta.
Laing namatikdan sa presidente nga ang tanang flood control project kinahanglang maglakip sa dredging ug desiltation, apan ang mga lokal nga opisyal niingon nga wala pa silay nakitang ingon niini sa mga flood control projects sa ilang lugar.
Matod usab sa presidente, ang resulta sa P96 milyon nga kantidad sa proyekto, nga gihulagway sa papel, dili motakdo sa kontrata nga gibayad sa gobyerno.
Busa dili hingpit nga masabtan sa presidente nganong nahimong ingon niini ang mga flood control projects tungod sa dakong pundo nga gigahin sa kagamhanan alang niini.
Tungod niini, gisiguro sa Presidente nga manubag ang mga kontraktor ug opisyal nga nalambigit sa proyekto.
Sa datus sa DPWH, ang Bulacan adunay 668 ka flood control projects nga nagkantidad ug P6.5 bilyones.
Ang rehabilitasyon sa River Protection Structure nagkantidad og P96.4 milyones.
