Gikumpirma sa Malacañang nga dili muadto si Pangulong Ferdinand Marcos Jr. sa inagurasyon ni United States President-elect Donald Trump. Matud kang Presidential Communications Office (PCO) Acting Sec. Cesar Chavez, nga ang mga Chief of Diplomatic Missions ug ilahang mga asawa ang gi imbetar sa Joint Committee on Inaugural Ceremonies nga magrepresentar sa mga lider sa ilang tagsa-tagsa ka estado ug gobyerno.
Tungod niini, si US Ambassador Jose Manuel Romualdez ang morepresentar ni Presidente Marcos sa inagurasyon ni Trump.
Samtang, wala pa’y kumpirmasyon kung ang PBBM mobisita sa Estados Unidos aron makigkita ni Trump sa sayong bahin sa 2025.
Kahinumdoman nga sa nangaging mga pamahayag sa Palasyo, gipasiugda niini ang importansya sa diplomasya sa pagpauswag sa interes sa Pilipinas sa internasyonal nga komunidad.
