Wala sa agenda ni Presidente Ferdinand Marcos Jr., ang pagpatuman sa martial law ug pagpangayo og lugway sa termino nunot sa reorganisasyon sa National Security Council (NSC).
Kini ang reaksyon ni Executive Secretary Lucas Bersamin sa alegasyon nga gilabay ni kanhi Presidential chief legal adviser Atty. Salvador Panelo nga ang maong lakang sa Presidente usa ka pagpangandam sa pagpatuman sa martial law sa nasud tungod kay iyang gitangtang si VP Sara isip panel sa National Security Council.
Gipasiugda ni Executive Secretary Bersamin nga si Presidente Ferdinand Marcos nakatutok sa pagpalig-on sa ekonomiya sa nasud aron motaas ang kinabuhi, pagpalig-on sa mga programa nga nakatutok sa panglawas ug kaayohan sa mga kabus nga Pilipino ug kompleto nga mga proyekto.
Gihatagan og gibug-aton ni Bersamin nga ang Presidente adunay katungod sa pagpili kung kinsa ang gusto niya nga magtrabaho ug dili na siya komportable sa pagtrabaho.
Gipasanginlan usab ni Bersamin si Panelo nga walay moral ascendency sa pagsulti tungod kay niadtong naa pa siya sa katungdanan sa miaging administrasyon, gisugyot usab niya nga tangtangon si kanhi Bise Presidente Sara Duterte isip NSC panel
