Dili exempted si Presidente Ferdinand Marcos, Jr. sa probisyon sa 2026 General Appropriations Act (GAA) nga nagdili sa presensya sa mga politiko sa pag-apod-apod sa tabang sa gobyerno ngadto sa publiko o probisyon nga kontra-epal.
Sumala ni Palace Press Officer ug Communications Usec. Claire Castro, ang Department of Social Welfare and Development (DSWD) gimandoan dayon nga tangtangon ang tarpaulin nga adunay hulagway sa presidente, nga nadiskobrehan nga gibutang sa usa ka payout center, diin giapod-apod ang cash relief assistance sa mga drayber sa PUV nga naapektuhan sa taas nga presyo sa lana.
Gipahinumdoman sa Palasyo ang mga lokal nga gobyerno sa giingon nga probisyon sa balaod, nga dili gamiton o pahimuslan ang mga kalihokan sa payout sa gobyerno, aron angkunon ug ipadayon ang ilang personal nga interes ug politika.
Gipasiugda ni Castro nga bisan pa niini, importante gihapon nga mahibal-an sa mga tawo ang mga programa sa presidente, isip pahinumdom nga ang presidente aktibo nga mitubag sa mga panginahanglan sa publiko taliwala sa usa ka grabe nga sitwasyon.
