GENERAL SANTOS CITY – Gihungusgan ni Pwersa ng Bayaning Atleta (PBA) party-list Rep. Jericho Nograles nga dili ‘sustainable’ kon malungtaron ang mga ponzi og pyramiding scheme.
Sumala pa, gikanayong swerte ang mga nauna nga investors kang makadawat na og salapi apan muabot gihapon sa punto nga dili mahagsa ang maong kalihukan.
Ug kon muabot ang maong sitwasyon, ang labing kaluluoy mao ang mga ulahing nagsulod sa ilang salapi sa mga investment schemes tungod dili na makabawi.
Gibutyag ni Cong. Nograles , ang investment schemes ang basehan sa fraud kon pagpanglimbong o kaha estafa.
Gi-warningan usab si Cong. Nograles ang tanang law enforcement agencies nga dili protektahan ang unsa mang gikonsidera sa gobyerno nga ilegal nga mga aktibidad.
Hinungdan nga trabaho sa SEC isip national agency ingon man ang NBI nga mapahunong ang mgaa susamang investment scam sama sa KAPA og uban pa.
Galaum si Nograles nga ang mga local NBI ang dili malambigit sa unsa mang illegal nga aktibidad sana sa investment scam.
Una niini gipasalig ni Nograles nga dad-on sa Kongreso ang isyu kalabot sa KAPA.
Samtang gipaklaro ni Nograles sa mga katawhan nga wala mausab ang iyang baruganan gikan sa unang gipagawas nga pahayag nga kontra siya sa unsa mang matang sa investment schemes sama sa KAPA, PPM, Almamico og uban pa.
Ang maong pahayag ni Cong. Nograles human nga gipasiatab sa social media sa mga nag-invest sa KAPA nga gibawi matud pa sa kongresista ang naunang pahayag batok sa KAPA.
Apan gibutyag niini nga isip magbabalaud hugot nga mubarog para sa kamatuoran og hugot nga gasunod sa balaud sa nasud aron panalipdan ang katawhan batok sa mga pagpanglimbong.
Hinungdan nga giawhag ni Nograles sa publiko nga dili magtuo nga midapig na siya sa KAPA o uban pang investment schemes kung asa may gagamit pa sa iyang pangalan.
Sa pahayag pa ni Cong. Nograles, ‘moral duty’ niya dili lang isip magbabalaud kun dili isip usa ka tao nga musunod sa balaud og kini ang rason nganong gikontra niya ang mga investment schemes bisag gisulti kaniya sa uban nga lisod sudlan ang maong isyu ilabina nga usa siya ka pulitiko.
Sumala pa ni Nograles nga ang dili musunod sa mga balaud ang makonsidera usab nga bandido.
