-- ADVERTISEMENT --
Usa ka pawikan ang nakit-an sa mga residente sa District 7, Brgy. San Jose ning Lungsod sa Talisayan ganinang udto.
Giadtoan kini gidayon sa mga myembro sa Savior of the Sea (SOS) Talisayan sa pagkabalo niini ug micontact dayun sa mga personahe sa Maritime Police ug sa DENR.
Ang nasangpit nga pawikan gitawag kini nga “Green Sea Turtle” nga gibana bana nga nasa 72 kilos ang kabug-aton. Usa kini ka laki nga pawikan nga may sukod nga 87 centimeters ang kataas on ug 80 centimeters ang kalaparon niini.
Matud pa sa DENR, nastress kini tungod sa balud ug lubog nga tubig maong ila kini papahulayon para maka recover kini ug mabuhian pabalik sa dagat ugmang adlawa.
