Mibuhos ang patimbaya alang sa singer-actress nga si Angeline Quinto alang sa iyang bag-ong baby.
Nanganak si Angeline kagahapon sa second baby nila sa non-showbiz husband niya nga si Nonrev Daquina.
Ang ilang baby girl gipangalanan nilang Azena Sylvia Daquina,
Base sa report, ang second baby ni Angge may timbang nga 6.5 lbs dihang gihimugso kini sa St. Luke’s Hospital, Bonifacio Global City.
Kaniadto lamang nangaging May, 2024 gipahibalo nilang Angeline og Nonrev nga madugangan na ang miyembro sa ilang pamilya.
Kahinumduman nga gikasal ang mag-asawa sa Quiapo Church sa Maynila kaniadtong bulan sa Abril.
Gipanganak ang ilang kamaguwangan nga si Sylvio kaniadtong April, 2022.
Gisunod ni Angge ang pangalan ni Sylvio sa mipanaw nga adoptive mother nga si Mama Bob, nga ang Sylvia Quinto ang tinuod nga pangalan.
