GENERAL SANTOS CITY – Nabawasan og usa ang Patients Under Monitoring ukon PUM sa Covid-19 sa Region 12. Kini human nga kagahapon may usa sa 15 ka mga pasyente ang nakakumpleto na sa 14 diyas niini nga home quarantine nga nagsilbing protocol sa Dept. Of Health (DOH).
Tungod niini, 14 ka PUMs na lamang ang nagpabiling gitutukan sa DoH dinhi sa rehiyon. Sa ulahing report nga gisumite sa Regional Epidemiology and Surveilance Unit sa DOH, sa 14 ka PUMS, duha niini gikan sa GenSan, North Cotabato may 10, og duha sa South Cotabato Province.
Alang sa Patients under investigation(PUI), ngapabilin sa tulo ang kaso.
Ang una og ikaduhang kaso ang nagnegatibo sa covid 19, samtang ang ikatulo nagpabiling anaa sa ospital sa rehiyon og nagpaabot pa sa laboratory result sa Research Institute for Tropical Medicine sa Muntinlupa City.
Hangtud karon nagpabilin gihapong negatibo sa Covid 19 ang Region 12.
