Patay’ng lawas sa ulitawo nga may mga samad-pinusilan, nakaplagan

GENERAL SANTOS CITY – Giimbestigahan na sa kapulisan sa Makar ang natigayong pagkakaplag sa usa ka patay’ng sa usa ka lalaki nga may mga samad-pinusilan, sa Sitio Paw-paw Brgy. Sinawal, ning dakbayan kagahapong adlawa.

Giila ang naasoy’ng biktima nga si Arwin Luna, 28-anyos, ulitawo ug residente sa nasampit nga barangay, base sa nakuha nga mga dokumento ug ilhanan nga nakaplagan sa kapulisan sa patay’ng lawas sa biktima.

Nasayran nga kagahapon sa buntag nakadawat ug report ang kapulisan kalabot sa maong patay’ng lawas hinungdan nga ilang girespondehan.

Gituohang natigayon ang pagpusil sa biktima kaniadtong kaadlawon sa Pebrero 19.

Sa pagkakaron nagpabilin sa lokal nga punerarya ang nasampit nga patay’ng lawas.