GENERAL SANTOS CITY – Padayon ang panawagan sa kasundaluhan ngadto sa mga sakop sa New Peoples Army kon NPA nga nagpabilin pa sa kabukiran nga mutahan na sa gobyerno, gumikan andam silang tabangan sa ilang pagbag-o sa kinabuhi.
Kahibaluan nga kagahapong adlawa, napanaog na kagahapong adlawa gikan sa kabukirang bahin sa Jose Abad Santos, Davao Occidental, ang patay’ng lawas sa political instructor sa Guerilla Front 71 sa Far South Mindanao sa NPA nga si Marmar Talino alyas Budok, taga-Sitio Kihan, Upper Suyan, Malapatan, Sarangani Province.
Gi-airlift kini sa militar, kung asa nakasulod na sa cadaver bag. Kahinumduman nga napatay ang nahisgutan sa natigayong engkwentro tali sa mga rebelde ug tropa sa gobyerno sa lugar.
Sa pakighinabi sa Bombo Radyo kang Capt. Franco Roldan sa 73rd IB Philippine Army, gibutyag niini nga nagpahigayon sila ug operasyon human nakadawat ug sumbong nga adunay mga armadong grupo nga gapahigayon ug extortion sa Kihan, apan nakaabot sa Jose Abad Santos.
Hinungdan nga nagka-engkwentro sila sa nasampit nga grupo.
Gikabutyag nga gipanaog ang patay’ng lawas sa nahisgutan diretso sa punerarya aron ipa-imbalsamo, ug subling ibalik sa bukid aron didto ipalubong sa iyang pamilya.
