Gituohang 100 ka tuig na ang milabay una nakit-an ang patayng lawas sa mga tawo sa Mount Everest.
Base kini sa taho sa National Geographic niadtong Biyernes, Oktubre 11 diin nadiskubrehan sa usa ka grupo sa tig-dokumentaryo ang mga patayng lawas sa tawo nga gikatahong nangawala samtang misulay sa pagsaka, 100 ka tuig na ang milabay.
Ang pagbag-o sa klima mao ang pagnipis sa ice sa palibot sa Himalayas, hinungdan nga na-expose ug nakit-an ang mga lawas sa mga mountaineer nga namatay sa dihang misulay og kab-ot ang pangandoy sa pagsaka sa labing taas nga bukid sa kalibutan.
Niadtong 1924 ang Briton nga si Andrew Irvine ang nawala kauban sa climbing partner nga si George Mallory samtang ang magtiayon misulay nga mahimong una nga makaabot sa summit sa Everest.
Ang lawas ni Mallory nakit-an kaniadtong 1999 apan ang mga timailhan bahin sa kapalaran ni Irvine idlas hangtod nga nadiskubre sa usa ka team sa National Geographic ang usa ka boots, nga nagsul-ob gihapon sa mga salin sa usa ka tiil, sa kinatumyan sa Central Rongbuk Glacier.
Ingon man nga napamatud-an nga sila Irvine ug Mallory ang una nga malampuson nga nakasaka sa kinatumyan, dul-an tulo ka dekada sa wala pa ang una nga giila nga summit kaniadtong 1953 sa mga mountain climbers nga silang Edmund Hillary ug Tenzing Norgay.
