GENERAL SANTOS CITY – Nagpabilin nga wala gihapon mailhan ang patay nga lawas sa usa ka tawo nga nakaplagan sa sagingan nga bahin sa Prk. Maharlika, Alabel Sarangani Province niadtong Dominggo, May 21.
Matud pa ni SPo4 Israel Lantingan, imbestigador sa Alabel Municipal Police Station, alas 5:00 sa hapon niadong Dominggo nakit-an ang biktima sa Salimbangon Farm nga wala nay kinabuhi, anaa na sa state of decomposition og adunay mga samad dinunggaban sa lawas..
Matud sa opisyal, anaa sa 35-40 ang pangidaron sa biktima, 5’3 0 5’4 ang gitas-on, tama tama ang lawas, blonde ang buhok, nakasul-ob ug puti nga tshirt, itum nga jacket og nakamaong nga pantalon.
Gituohan ni Wadingan nga gilabay lamang sa lugar ang biktima o nagmotor ug gikawat ang motorsiklo tungod sa mga nakalabay nga adlaw, walay gitaho sa ilang presinto nga nawala nga tawo sa Alabel.
Giawhag kadtong nawad-an oga kabanay sa pamilya nga makig-alayon sa ilang presinto aron ilhon ang patayng lawas sa biktima nga anaa karon sa punerarya.
