Dul-an na sa 40 ang patay human nahitabo ang stampede sa Maha Kumbh Mela sa India dungan sa panagtigom sa minilyon ka mga tawo aron nga maligo sa ginakonsidera nga balaan nga suba.
Gibutayag nga pila sa mga napatay ang nakasinati og atake sa kasingkasing og may mga comorbidities sama sa diabetes.
Base sa police sources, anam-anam na nga ginatugyan sa ilang tagsa ka pamilya ang mga patay nga lawas.
Wala pay opisyal nga numero nga gipagawas ang otoridad kabahin sa casualties.
Gi-alegar nga nagsugod ang stampede dihang giluksuhan og giguba sa mga deboto ang mga barikada sa ala una hangtod alas dos sa kaadlawon.
Kahibaluan nga kini nga Hindu festival mao ang ginakonsidera nga pinakadako nga panagtigom sa mga tawo nga ginalauman nga makaabot sa 400-million sa sobra sa unom ka semana.
