Misaka na sa 6,125 ang kumpirmadong namatay sa twin earthquake nga miigo sa Venezuela niadtong Hunyo 24, sumala sa kumpirmasyon ni Jorge Rodríguez.
Ang pinakabag-ong ihap sa mga namatay gipagawas kapin usa ka bulan human sa magnitude 7.2 ug 7.5 nga linog nga nagguba sa hapit 200 ka mga bilding, ilabina sa coastal state sa La Guaira nga maoy labing grabeng naapektuhan.
Sa miaging report, 5,546 pa lamang ang naitalang namatay, apan misaka pa kini samtang nagpadayon ang search and rescue operations.
Padayon usab ang pagpangita sa mga rescue team ug mga kabanay sa mga biktima nga posibleng natabonan sa mga nahugno nga estruktura.
Sa kasamtangan, mokabat sa 17,000 ka tao ang naangol tungod sa kusog nga pag-tay-og sa yuta. Base sa report sa lokal nga media, matud ni José Alejandro Terán nga adunay gihapong 1,400 ka tao ang wala pa makit-i.
Gawas sa 190 ka building nga hingpit nga naguba, kapin 6,400 ka mga estruktura ang giila nga high-risk, samtang labaw sa 9,800 pa ang gi-classify nga restricted housing tungod sa posibleng peligro niini sa mga nagpuyo sa lugar.
Sa pagkakaron, hapit 24,000 ka mga residente sa La Guaira ug Caracas ang nagpuyo sa mga temporaryong evacuation shelters.
Samtang, giaprobahan sa National Assembly sa Venezuela ang usa ka balaod nga magpasayon sa pag-abang og mga kabtangan aron matabangan ang mga biktima sa linog. Hulaton na lamang kini nga pirmahan ni Delcy Rodríguez aron mahimong pormal nga balaod.
