Misaka na ang ihap sa namatay gikan sa grabe nga pagbaha sa Texas sa labing menos 67, lakip ang 21 ka mga bata.
Matud ni Larry Leitha, ang sheriff sa Kerr County sa Texas Hill Country, nga mao ang sentro sa grabe nga pagbaha, nga ang namatay sa iyang lungsod misaka sa 59-lakip ang 21 ka mga bata.
Si Leitha miingon nga 11 ka mga babaye ug usa ka camp counselor ang nawala pa gikan sa usa ka summer camp duol sa Guadalupe River, nga nag-awas human sa kusog nga ulan sa sentro sa Texas niadtong Biyernes, dungan sa pagsaulog sa Independence Day sa Estados Unidos.
Dugang pa niini nga 18 ka mga hamtong ug upat ka mga bata ang wala pa mailhi sa Kerr County.
Wala niya gisulti kung ang 22 ka mga tawo naapil sa kinatibuk-an nga 59 nga namatay sa lungsod .
Matud sa mga opisyal kaniadtong Sabado nga kapin sa 850 ka mga tawo ang naluwas, lakip ang pipila nga nag gunit sa mga kahoy, pagkahuman sa kalit nga pag baha hangtod sa 15 pulgada (38 cm) sa rehiyon, mga 85 milya (140 km) amihanan-kasadpan sa San Antonio.
Samtang wala pa matino kung pila pa ka mga tawo ang nawala sa lugar.
