BUTUAN CITY- Miabot na sa 13 ka mga tawo ang natalang patay tungod sa sunod-sunod nga pag-ulan nga epekto sa bagyong Enteng nga mikuso-kuso sukad pa niadtong Dominggo.
Sa datos gikan sa Bombo Weather Center nga hangtud ugmang adlawa pa ang epekto sa bagyo.
Alayon niini, gimando sa Malakanyang ang padayong suspensyon sa klase sa tanang level apil na ang trabaho sa mga government offices sa Metro Manila ug sa CALABARZON kon Cavite, Laguna, Batangas, Rizal ug Quezon Region karong adlawa tungod sa posibleng grabe pang epekto sa mga pag-ulan.
Ang bagyong Enteng may international name nga Yagi.
Sa Antipolo City, pito ka mga tawo ang namatay ug sumala ni Relly Bernardo, head sa Antipolo City Disaster Risk Reduction and Management Council nga tulo niini nakabsan sa kinabuhi tungod sa landslides samtang ang upat tungod sa pagkalumos.
Lakip sa namatay ang usa ka 27-anyos nga mabdos uban sa duha niya ka mga anak.
